Davao City – Kinahanglang studyohan ang tingog sa siren sa syudad sa Davao og unsa ang buot pasabot niini panahon sa kalamidad.
Kini ang gihatagag pagtagad ni Leslie Francisco, Office of Civil Defense kun OCD XI atol sa interview ni RadyoMaN Misel Miral-Galve kaniya sa Serbisyong Straight to the Point.
Saysay ni Francisco nga ubay-ubay ka mga dabawenyo ang nangutana kagahapon og unsay pasabot sa tingog sa siren busa giawhag niya ang publiko nga muhatag og panahon sa pagtuon sa mga tingog niini.
Kahinumduman nga gi-activate kagahapon ang Citywide Siren nga nahimutang sa City Hall Annex nga nagpasabot sa pagpatuman og forced evacuation sa pipila ka mga brgy sa syudad gumikan sa pagtaas sa level sa tubig sa Davao river dala usab sa sagunson nga pag ulan.
Hinuon gikalipay sa OCD XI ang kooperasyon sa mga residente sa pagpatuman sa pre-emptive evacuation kagabii gumikan daghan ang nagpatuo nga mubakwit na.
Kanunay pahinumdom sa buhatan ngadto sa publiko nga magbinantayon ug dili magginahi og ulo aron usab di na muabot sa rescue operation diin asa daghang kinabuhi ang posibleng mabutang sa alanganin og dili musunod sa mga pahimangno.
RadyoMaN Renz Barbarona
