Sa pakighinabi sa DXDC RMN Davao kang Franz Irag, Information Officer sa OCD-XI, iyang gibutyag nga as of September 19, 2023, anaa na sa 27,256 ang pamilyang apektado sa maong dili maayong dagan sa panahon.
Matud ni Irag, sa kasamtangan, aduna na lamang 21 ka pamilya o 85 ka indibidwal ang nagpabiling anaa sa evacuation centers.
Sa consolidated data sa OCD-XI gikan Agosto hangtud September 19, 2023, sa partially damaged nga balay, 15 ang natala sa Davao Oriental; 1 sa Davao Occidental; 1 sa Davao del Norte; 7 sa Davao de Oro; 2 sa Davao City; ug 25 sa Davao del Sur. Samtang, sa totally damaged, 2 ang natala sa Davao Oriental; 1 sa Davao Occidental; 1 sa Davao de Oro; 2 sa Davao City; ug 10 sa Davao del Sur.
“More or less two million kapin na ang nahatag nga assistance sa DSWD sa kining mga affected nato nga families coming from the different LGUs (Local Government Units) in Region Eleven,” matud ni Irag.
Gipasalamat usab sa OCD-XI nga walay natala nga casualty epekto sa weather disturbance, gawas lang sa 2 injured ug 2 deaths nga natala niadtong August 18, 2023 sa Governor Generoso, Davao Oriental human natumabahan og centennial tree ang usa ka balay.
RadyoMaN Kirby Manzon
