Sa interbyu sa DXDC RMN Davao kang Mark Louise Cirunay hepe sa OCD-XI Operations Section, gibutyag niini nga walay natala nga naangol sa insidente tungod kay dali usab sila nga nakahikling.
Sa inisyal nga report, 11 ka pamilya ang apektado sa lugar diin anaa sa 6 ang totally damaged nga balay, samtang 7 ang partially damaged.
Padayon karon nga gipaigmat ang katawhang Dabawenyos nga magbantay sa dagan sa panahon ilabi na kadtong nahimutang sa mga lugar nga risgo sa pagbaha ug landslide.
“Since effect gihapon ni sa LPA (Low-Pressure Area) nato. Magmatngon, mag-igmat lang gyud ‘ta. Mag-andam kanunay then maminaw sa mga pahimangno sa atong mga Local Government Unit nga kung mag-conduct og mga preemptive evacuation, maminaw gyud ‘ta sa ilaha,” pahimangno sa OCD-XI official.
RadyoMaN Kirby Manzon
