Davao City – Nagpahimangno karon ang Office of the Civil Defense (OCD) ngadto sa katawhan nga dili mokumpyansa sa panahon labi na sa mga pag-ulan aron kalikayan ang mga insidente sama sa pagdahili sa yuta kun landslide.
Sa interbyu sa DXDC RMN Davao kang Leslie Francisco, spokesperson sa OCD-XI, gisaysay niini nga dili mokumpyansa sa hinay nga ulan labi na kadtong mga residente nga nahimutang sa delikadong lugar diin humok ang yuta nga posibleng muresulta sa sa pagdahili sa yuta.
“Kadtong mga nagpuyo nga duol sa mga landslide prone areas, kanang mga bakilid nga lugar, magbantay sa kakusog sa ulan ug dili lang ang kanang mga nagpuyo daplin sa sapa. Usahay magsalig man gud sila nga hinay ang ulan pero sa bukid kusog diay,” saysay ni Francisco.
Kahinumduman nga tulo ka tawo nga magpamilya ang namatay sa landslide sa Brgy. Nuing, Jose Abad Santos, Davao Occidental bag-ohay lamang.
RadyoMaN Kirby Manzon
