Davao City – Ilusad karong hapon sa Office of Civil Defense (OCD-XI) ang pre-disaster risk assessment isip pagpangandam sa posibilidad sa pagtaas sa level sa tubig dala sa pagsulod ni Bagyong Basyang sa Philippine Area of Responsibility.
Kini ang giingon ni OCD XI Operations head Franz Irag atol sa interbyu sa DXDC RMN Davao diin sumala niya nga padayon ang ilang pagkoordinar sa Local Government Units (LGUs) sa rehiyon kabahin sa monitoring sa kasapaan ug pagpangandam usab.
“Same procedure, same protocol para ma-assess kung asa tong hatagan og dako nga priorities sa respective area of Responsibility (AOR) nga manginahanglan og immediate response,” segun ni Irag.
Sumala ni Irag nga sa karon subay sa ilang monitoring, walay pay namonitor nga pagtaas sa level sa tubig sa kasapaan bisan dinhi sa syudad sa Davao tungod hinay ug undang-undang usab ang ulan.
Sa pinakaulahing update sa PAG-ASA kabahin sa Bagyong Basyang, Mihinay ang lihok sa maong bagyo apan lauman gihapon ang tama-tama ngadto sa kusog nga pag-ulan sa Eastern Visayas, Central Visayas, Caraga, Northern Mindanao, Zamboanga Peninsula lakip na ang davao region sulod sa 24 ka oras.
RadyoMaN Renz Barbarona
