Davao City- Nagpabiling taas ang alerto sa Office of the Civil Defense (OCD-XI) sa sagunson nga pag-ulan nga nasinatian sa dakbayan sa Davao.
Sa interbyu sa DXDC RMN Davao kang OCD-Davao Information Officer Angie Payosalan, 24/7 silang nagmonitor ug kompleto alang sa response operation.
Matud niini, walay natalang casualties sa pagbaha sa norte nga bahin sa syudad.
“Heavy constant rain gyod mao ang main reason sa atong street flooding,”
Sumala ni Payosalan, naglusad sila og preemptive evacuation sa mga apektadong residente sa Barangay Ilang, diin dili mo-ubos sa 19 ka mga pamilya ang na-rescue.
Malampusong nasalbar sa mga personahe sa Davao City Fire District, ang duha ka mga pamilyang na-trap tungod sa baha, lakip na ang senior citizen, buntis ug mga bata sa Bunawan, Davao City.
RadyoMan Aimee Guinita
