OCD XI: Partisipasyon sa publiko sa earthquake drill giawhag

Davao City – Giawhag sa Office of the Civil Defense (OCD-XI) ang publiko, mga opisina ug establisyemento nga mupartisipar sa himuong Nationwide Simultaneous Earthquake Drill (NSED) sa unang quarter karong tuig 2022.

Sa interbyu sa DXDC RMN Davao kang Angie Payosalan, tigpamaba sa OCD-XI, gibutyag niini nga himuon ang NSED ugmang adlawa, Huwebes (Marso 10, 2022).

Matud ni Payosalan, sa maong aktibidad bansayon gihapon ang katawhan sa mga angayan nga buhaton panahon nga adunay mahitabong linog o mga pagtay-og.

Dugang sa OCD-XI official, tungod kay anaa gihapon ang pandemya walay evacuation nga himuon gawas lang niadtong mga adunay dakong area sulod sa establisyemento ug opisina.

“Mag-start po ang program by 9AM po. Since pandemic, wala ‘tay i-conduct nga evacuation po. Ang atong pagabuhaton lang is i-execute lang nato properly ang duck, cover and hold,” sulti ni Payosalan.

Ugmang adlawa, masaksihan ang ceremonial pressing of the button sa Facebook pages sa Civil Defense PH ug NDRRMC (National Disaster Risk Reduction and Management Council).

RadyoMaN Kirby Manzon