Davao City – Nagpahimangno karon ang Office of the Civil Defense (OCD)-XI nga likayan ang pagpakatag og mga mali nga impormasyon nga muresulta sa pagka panic o pagkalisang sa publiko.
Kini ang gisaysay ni Franz Irag sa OCD-XI sa pakighinabi sa DXDC RMN Davao human sa nahitabong 7.1 nga linog sa rehiyon alas-11:39 kaganinang buntag.
Segun ni Irag nga dili magpakatag og mga impormasyon labi na kung wala kini naggikan sa mga warning agencies sama sa PHIVOLCS, OCD ug uban pang mga government agencies.
Padayon lamang sumala pang makipag-alayon sa mga local Disaster Risk Reduction and Management Council (DRRMC) ug magpabiling kalma.
Dugang pa sa opisyal nga hinumduman usab kanunay ang mga earthquake ug tsunami drill aron malikay sa mga posibleng mahitabo kung adunay paglinog sa dagat o posibleng mahitabo nga tsunami.
RadyoMaN Kirby Manzon
