Sumala ni Karl Puerto Spokesperson sa Office of Civil Defense OCD-XI human nahinabi sa DXDC RMN Davao, gibutyag niini nawala na ang Low Pressure Area (LPA) alas 12:00 sa udto Enero 7, 2023 subay sa gipagawas nga weather bulletin sa Philippine Atmospheric Geophysical Astronomical Services Administration (PAG-ASA).
Giklaro ni Puerto, bisan og nawala na ang Low Pressure Area padayon gihapon ang monitoring sa tibuok Davao Region basin adunay kalit nga pag-usab sa kahimtang sa panahon.
Gi-awhag nini ang mga residente nga nagpuyo sa daplin sa kasapaan nga dili pa gihapon magkompiyansa ug kanunay mag-maigmat ug mangandam nga basin dunay kalit nga pagsaka sa level sa tubig sa mga kasapaan.
“Sa atong mga ka-igsuonan nga nagpuyo sa prone area nga sama sa daplin sa sapa, dagat ug landslide areas, mag-amping og andamon lang kanunay ang atong sarili og pamilya,” Saysay ni Puerto.
RadyoMaN Don Pulayao
