OCD XI wa’y natalang patay sa linog sa Occidental

Davao City – Giklaro karon sa Regional Disaster Risk Reduction Management Council Davao Region (RDRRMC XI) nga wa’y bata ang namatay sa lungsod sa Don Marcelino Davao Occidental dihang natigayon ang Magnitude 6.4 nga linog sa lungsod sa Sarangani sa miaging gabii.

Gitino pa ni RDRRMC XI Operation Chief Franz Irag nga dunay namatay nga bata sa lungsod apan dili sa linog ang hinungdan niini, kini basi sa giingon sa doktor sa ospital nga gidad-an sa bata, apan wa na gisulti pa unsay rason sa kamatayon niini.

Alayon ani, base sa assessment sa Davao Occidental Provincial Disaster Risk Reduction and Management Office, nakasinati og minor crack kon damyos ang Provincial Capitol, Provincial Engineering Office ug mga eskwelahan, matod ni Irag.

Gipamahayag sab ni RDRRMC XI Regional Director Ednar Dayanghirang nga nag-isyu na og suspension sa klase ang Kagamhanang Probinsiya sa Occidental gumikan sa nakitang mga liki sa mga tulunghaan.

Sa karon, nagpadayon pa og consolidate sa kinatibuk-ang damyos nga gibilin sa linog sa Occidental ang PDRRMO.

RadyoMaN Joel Viray