OCD-XI: Zero casualty tumong sa regular earthquake drill

Davao City – Giawhag sa Office of the Civil Defense (OCD)-XI ang Dabawenyos nga mupartisipar sa 2nd quarter nga Nationwide Simultaneous Earthquake Drill (NSED) karong adlawa, June 8, 2023.

Sa interbyu sa DXDC RMN Davao kang Franz Irag, Information Officer sa OCD-XI, gisulti niini nga sa miaging mga linog sa Davao Region, naobserbahan nga nagbaton na kahibalo ang mga tawo unsay basic procedures nga himuon panahon sa linog sama sa pag-perform sa ‘DUCK, COVER and HOLD’.

“Bag-o lang ‘ta nakasinati og sagunson nga linog sa Davao de Oro. So, timely ni nga reminder sa atoa aron mahinumduman nato pag-usab kung unsa bay angay buhaton kung adunay linog unya naa ta sulod sa usa ka building, sa atoang balay or opisina,” sulti ni Irag.

Alas 9:00 karong buntag himuon ang Online Ceremonial Pressing of the Button diin adunay evacuation procedure nga ipahigayon.

Gawas sa national government agencies, giimbita usab sa OCD-XI ang mga private establishment ug mga eskwelahan alang sa maong aktibidad.

RadyoMaN Kirby Manzon

Facebook Comments