Nipirma ug Memorandum of Agreement ang Oceana Philippines ug Cebu Archdiocese aron mas palig-onon pa ang pagtinabangay niini sa pagprotektar sa kalikupan ilabi na ang kadagatan .
Ang Arsobispo sa Sugbu nga si Jose Palma nalipay sa MOA tungod kay mao ni ang sinugdanan sa pagsanong sa katawhan sa Encylical Letter “Laudato Si” ni Pope Francis nga nag-awhag sa tanan sa pag-amoma sa kalikupan .
Samtang si Atty. Gloria Estenzo-Ramos , Vice President sa Oceana Philippines niila sa dakung kontribusyon sa simbahang katoliko sa pagpalapad sa awareness campaign labot sa importansiya sa pagprotektar sa kadagatan .
Dugang ni Ramos nga makatabang ang simbahan sa pag-edukar ug pag-awhag sa katawhan nga mohimo sa ilang kontribusyon sa pagtuman sa environmental laws , pinaagi sa pag-apil niini sa wali sa mga kaparian ug sa katekismo .
