Ocho persona el irido cuando ya man banggan el un bus del Rural Transit y un Isuzu Elf bongo truck del Sabado madrogada na Sitio Binaloy, Barangay Buenavista.
Na report del policia de Curuan, banda alas-tres del madrogada cuando el un unit del KING LONG Rural bus colorao, con plaka numero JVH 941, y bus number 9584,que ta maneja si Johnny Fon Alcorin y Fernandez, 40, nativo de Dumalinao Zamboanga Sibugay accidentalmente ya man bangga con el un BONGO ISUZU ELF 250, color blanco, con plaka numero YAW492, que ta maneja tambien si Arjie Roliorata y Bonocan, 19, un estudyante del MSU Ozamiz College, y residente de Dipolog Zamboanga Del Norte.
Ta aparece na investigaccion que ambos vehiculo ta navega el diila cada cualan engcuentro direccion, sin embargo, llegar na vicinidad del MCLL highway na Sitio Binaloy, Barangay Buenavista, el Isuzu Elf ya kome con el pasada del bus rason para man banggaan el ambos vehiculo.
Como resulta del accidente, irido el ocho persona identificao como canda; JOHN CARLO G. MORO, 14 years old, ERNESTO E. HERO DIAZ, 60 years old, ALDREY DEBORA y HERO DIAZ, 37 years old, MARICEL ROLIORATA y BONOCAN, 44 years old, JULIAN TURTUGA y ERTALORES, 12 years old, VANEZA JEAN y BULAWIN, 19 years old, DONA CARLA BLESS MORO y HERODIAZ, 1 year old y el mismo del Bongo truck si ARJIE ROLIOLATA y BONOCAN, 19 years old, todo residentes del Dipolog, Zamboanga del Norte. Con el mga victima imdietamente ya lleva para na Cristino Paragas Memorial Hospital initialmente y defues ya transfiri para na Zamboanga Peninsula Medical Center abordo na dos mga ambulancia para el necesaryo curada medical. -Bhong Simbajon/RMN News
