Davao City – Kumbinsido ang usaka iladong grupo sa mga social scientists ug demographers nga nia sa atong mga kamot ang pagpugong sa pagkuyanap sa fatal virus nga niigo na sa kapin 66M ka mga indibidwal sa kalibutan.
Sa interview sa radio social commentary program nga ‘Straight to the Point,’ gisugilon ni Dr. Butch Ong sa OCTA Research Group nga nabalaka sila sa laing hugna kun spike sa COVID gumikan sa mga ‘super spreader events’ ning panahon sa Kapaskuhan.
Matud ni Ong, projection nila nga malagmit mahidangat sa half a million ang confirmed cases sa virus una pa matapos ang tuig 2020.
Bisan pa man niana nga scenario, nagtoo si Ong nga kung mo-kooperar lamang ang tanan diha sa paglikay sa balatian,kaya ra nato nga pugngan ang second or third surge kon wave sama sa nahitabo sa America ug sa Europe sa dihang gipang relax nila ang quarantine status sa ilang mga kasyudaran.
Matud sa OCTA, halapad nga tinakdanay mahitabo kung ang tapok tapok mosiaw, mga yuletide family reunions tugtan ingon man ang pagpagawas sa mga kabataan kinsa matawag mga ‘silent spreaders’ sa maong balatian ug uban pang matang sa mga mass gatherings kun large public congregation.
Una niini, nag-awhag ang nahisgotang grupo sa mga experts ngadto sa National IATF nga i-rekonsidera ang direktiba sa social mixing sama sa pagtugot pag-usab sa mga seminars ug conferences diha sa mga GCQ areas.
Gipunting usab sa grupo ang sitwasyon sa mga evacuation centers diin kaylap ang virus transmission.
RadyoMaN June Duterte
