Davao City – Pabor si First District Councilor Mabel Sunga-Acosta sa ulahing desisyon ni Pangulong Rodrigo Duterte nga isibog ang pag-abli sa klase karong bulan sa October inay sa August 24, 2020.
Uyon si Acosta nga madelatar ang pag-abli sa klase kaysa tibuok tuig gayod ma-undang sa pag-tuon sa mga estudyante nga dakong disbentaha sa pag-eskwela sa mga kabataan karon nga tuig.
Ang pag-oktaba sa pagsugod sa klase karong bulana maghatag usab og igong espasyo aron kumpletohon sa Department of Education ang gikinahanglang modules nga magamit sa mga kabataan karong sunod bulan.
Malaumon si Acosta nga ma-cope-up ug makumpleto sa Department of Education ang learning materials sama sa module una pa man hingpit mag-abli ang klase sa Oktubre.
Gipasabot sa Konsehala nga ang gobyerno adunay emergency purchase funds nga na-budget daan karon nga tuig ug mao kini ang gamiton kung mahutdan na og pondo ang DepEd alang sa modules ug uban pa.
Ang lokal nga kagamhanan pinaagi sa Local School Board maggahin og pondo nga kuhaon gikan sa real property tax ug ang 1% niini mupaingon sa pag-ayuda ngadto sa City School Division sa DEPED-XI, dugang pagpasabot ni Acosta.
Alayon ani, gisulti ni First District Councilor Pilar Braga kinsa Chairperson sa Committee On Education sa Konseho nga nagpagawas na og pondo ang Local School Board (LSB) alang sa pagprinta og mga modules aron ma-apod-apod ngadto sa mga estudyante una pa masugdan ang klase next month.
RadyoMaN Joel Viray
