Davao City – Mihatag og tabang ang usa ka off-duty nga personnel sa Philippine Coast Guard sa usa ka biktima sa disgrasya sa dalan sa Barangay Sao-Sao, Mawab, Davao de Oro, niadtong Enero 4, 2026.
Sa report, ang PCG personnel nailhan nga si Petty Officer 2 Roy B. Barayuga, samtang nagbiyahe paingon sa Nabunturan, nakabantay matud pa kini sa usa ka tawo nga wala’y panimuot nga nahigda sa daplin sa dalan.
Dayon niyang gihatagan og tabang medikal ug nagpabilin sa lugar aron masiguro ang kahimtangan sa biktima samtang naghulat sa pag-abot sa ambulansya. Pag-abot sa rescue team, gilayon nga gidala ang biktima sa Davao de Oro Provincial Hospital alang sa tukmang pagtambal.
Ang paspas ug walay pagduha-duhang aksyon ni PO2 Barayuga nagpakita sa tinuod nga serbisyo publiko bisan pa man nga off-duty kini.
RadyoMaN Kareen Beltran
Facebook Comments
