Natanggap na ngayong hapon ng Office of the Ombudsman ang bagong case referral na isinumite ng Independent Commision for Infrastructure (ICI).
Ito’y may kaugnayan pa rin sa mga maanomalyang proyekto ng pamahalaan.
Sa naturang rekomendasyon, pinasasampahan ng ICI ang ilang indibidwal dahil sa umano’y posibleng direct o indirect bribery, corrupt, plunder, at administrative case.
Kabilang na sina Former Senator Bong Revilla, Jr., Maynard Ngu,Carleen Villa, Gerard Opulencia, Manny Bulusan, Ruel Umali, Gene Ryan Altea, Carleen Yap-Villa, J.Y. Dela Rosa, Mrs. Patron at Carlo Aguilar
Nagpasa rin ang komisyon ng bagong ebidensya na maaaring maging basehan para sa karagdagang kaso laban kina former Secretary Manuel Bonoan, former Usec. Catalina Cabral, former Usec. Roberto Bernardo, former Cong. Zaldy Co, Commissioner Mario Lipana, Henry Alcantara, Brice Hernandez, Jaypee Mendoza.
Samantala, nakahanda naman ang Ombudsman na imbestigahan ang mga government officials na sina, Senator Chiz Escudero, Senator Nancy Binay, Senator Grace Poe-Llamanzares at Senator Mark Villar.
