Ginhatagan sang Commission on Audit sang pinakamataas nga audit rating ang Office of the Vice President sa idalum ni Vice President Leni Robredo.
Suno sa report nga gin-transmit sang independent auditors sa opisina sang bise presidente nakita nga nagasunod sa standard sang Philippine Public Sector Accounting Standards ang financial position, financial peformance kag cash flows sini.
Pirmado ang report ni supervising auditor Edna Salaguban.
Nakabaton sang unqualified opinion sa labing una nga kahigayunan gikan sa COA ang Office of the Vice President kag natabu ini sa idalum ni Robredo.
Sa lenguwahe sang auditing ang unqualified opinion nagakahulugan nga ang financial statements nagasunod sa generally accepted accounting principles.
Ini ang pinakamaayo nga opinion nga makuha sang isa ka government agency gikan sa COA.
(photo credit to the owner)
