Sa interview sa DXDC RMN Davao kang Police Captain Hazel Tuazon, ang spokesperson sa DCPO, iyahang gibutyag nga gitakdang ianunsyo karong adlawa ang city director nga maoy mudumala sa kapulisan sa Davao City puli kang officer in charge PCol. Rolindo Suguilon.
Sa unofficial report, giingong si PCol. Lito Patay ang bag-ong direktor kinsa hepe kaniadto sa Quezon City Police District (QCPD) panahon sa Duterte administration ug nahimong direktor sa Criminal Investigation and Detection Group (CIDG) sa Central Visayas. Ug kanhi nadestinong hepe sa Tagum City, Davao del Norte.
Naila si Patay sa iyahang mga police ug drugs operations ug wala kini napalagpas matud pa nga mga target.
Apan segun ni Tuazon nga wala pay gipakanaog nga official approved order gikan sa regional office maong dili pa makumpirma sa hingpit kung si PCol. Patay na ba ang CD nga ipahibalo ra sa DCPO karong adlawa.
RadyoMan Ivy Parido
