Ya jura ya ayer na partido del Presidente Rodrigo Duterte el mga oficiales del ciudad de Isabela na palasyo de Malacañang.
Na encavesamiento del vice-alcalde Cherry Santos-Akbar, ya lleva con el maga officiales del barangay y con el maga consehales del ciudad na Malacañang del Miyerkoles para jura mismo na partido PDP-LABAN.
Maga ofisyales ya tiene oportunidad para man hunto con el Presidente del paiz Rodrigo Duterte.
Asegun cun Vice- Mayor Cherry Santos-Akbar, intensyon del visita na Palacio amo para man follow up con el maga projecto que ya man request le para na Isabela City.
Durante el mensahe di Presidente Duterte con el maga ofisyales del ciudad ele ya abla que prioridad del projecto ay dale le para na ciudad amo el levantada del un grande y moderno hospital y el grande Gym que ya pidi el Vise Alcalde Akbar.
Notable que nuay sigui na grupo y partido el presente alcalde de Isabela Al-Quaid Akbar. – *Bhong Simbajon/RMN News*
