Davao City – Nagkalanrakas ang nahimong tattoo session sa may New Loon Tugbok District ning siyudad human nasayran sa aktor nga si alyas Dino nga nagpa-tattoo ang iyang ka live-in partner dapit duol sa bilahan.
Base sa report, naukoy ni alyas Dino iyang ka live-in partner nga si alyas Bebeng, 26 anyos, usa ka OFW, nga magpa-tattoo kini sa bilahan wala kini maka angay hinungdan nga nag-inum kini og bino.
Gumikan nagtuman gayud sa gusto si Bebeng, nagselos si Dino sa dihang naabtan nga mibilangkad na sa atubangan ni alyas Sanny, usa ka tattoo artist, kay didto kini mag marka duol sa bilahan.
Sa kargado na si Dino ug dala-dala na niini ang usa ka sundang, gipangtigbas niini ang tattoo artist lakip iyang ka live-in partner.
Samdan sa kamot si Bebeng sa dihang iyang gisagang ang sundang nga gigamit pangtigbas.
Didto na nagpatabang sa Tugbok Police Station si alyas Sanny apan nakasibat na ang maong suspek.
Sa pagkakaron padayon ang kapulisan sa ginahimong imbestigasyon.
RadyoMaN Paul Canono
