Davao City – Patay nang nakpaplagan ang lawas sa usa ka OFW sulod mismo sa iyang pinuy-anan sa Deca Homes, Tugbok District, Davao City.
Sa blotter sa Tugbok PNP, ang biktima mao si Ivan Joseph Cabacungan, hamtung ang pangidaron, minyo, diin nakaplagan sa iyang mga silingan nga wala nay kinabuhi.
Nangayo og pakitabang sa ilang mga silingan ang asawa sa biktima nga mao si Judee Cabacungan tungod kay dili na mutubag ang iyang bana sa tawag sa cellphone alas 8:00 sa kabuntagon.
Gisusi sa mga silingan ang panimalay sa pamilyang Cabacungan ug ilang nakita ang nagbuy-od nga lawas sa biktima ug diha sa iyang tupad ang mga basiyo bino, energy drink ug mga medisina.
Ang patay nga lawas ni Ivan Joseph Cabacungan anaa karon sa St. Peter, Calinan, Davao City.
RadyoMaN Erin Lumosbog
