OFW ‘namiga’ sa abroad, gi-abandona ang pamilya

305

Davao City – Hatud sa kalisod ug sa pangandoy nga maharuhay ang pamuyo daghan sa mga Pilipino ang manimpalad sa ubang nasud samtang ang ilang mga pamilya antuson ang kamingaw tungod ug alang sa ikamaayo sa ilang kahimtang niining nasud nga gikunsidera’ng 3rd world country.

Apan wala damha sa ka bana nga luyo sa iyang kahingawa makapalup-og nga taho ang mosugat kaniya kini human nga giingong namiga ang iyang asawa sa nasud nga gitrabahoan niini.


Gidetalye pagsugilon ni alyas Levy nga taga-sasa sa Sasa PNP ang pagpamiga sa iyang asawa nga si Alyas Jane sa laing Pinoy nga kauban ra sab sa trabaho sa Dubai.

Matud ni Alyas Levy, nagsugod og pag-iyat-iyat si alyas Jane kang alyas Jason tuig 2017 pa.

Segun sa bana, dunay panahon nga dungan mipauli sa nasud gikan Dubai ang iyang asawa ug ang gituohang kabit niini apan ang problema kay si Jane wala mupa-uli kanila inay nag-ipon ang duha sa kaulohang Maynila.

Dugang pa ni Alyas Levy nga kung maka-uli man ang iyang asawa apan busy kini sa video call kang Jason atubangan kaniya ug sa duha nila ka mga anak.

Gani, dunay panahon nga dili lang gipasagdan apan gibiyaan gayod ni Jane ang duha nila ka mga anak aron makigkita kang Jason.

Tuig 2018, subling mubalik sa Dubai si Jane apan base sa nahipos nga kasayuran sa makaluluoy nga bana mao nga nag-uban diay og lupad ang nagbiga nga OFW sa iyang kabit nga si Jason.

Ang nasakitan og maayo sa mister nga si Alyas Levy mao ang ginapadala nga usa na lang ka libo ka pesos apan niadto pang 2018 pa kini nahitabo.

Karon tuiga, wala na gyud nagpabati sa presensiya si alyas Jane tungod miipon na kini sa iyang kabit didto sa Dubai.

Ug tungod niini, pursegido moduso og kaso nga adultery ang maong bana uban sa panganti nga walay kapasayloan ug dili na niya dawaton pa ang iyang asawa bahala’g walay ilhon nga inahan ang duha niya ka mga anak.

RadyoMaN Joel Viray

Facebook Comments

From Advertisers