Sa pakighinabi sa DXDC RMN Davao kang alyas Neda, kanhi live-in partner sa suspek nga si alyas Ron, 35 anyos, ug anak sab kini sa biktimang gipusil nga si alyas Dandan, 52 anyos, gibutyag niini sa sibyahanan nga duna silay 3 ka anak apan nagdesisyon kini nga mu-abroad tungod sab sa mga pasakit sa lalaki gani duna na silay record sa Barangay tungod sa pagkulata sa suspek kaniya.
‘‘Sa tinood ma’am, sayod na siya ngano nilakaw ko tungod sa iyaha bisan sakit kaayo biyaan ang mga bata, ’’ saysay ni Eden.
Giklaro usab niini nga taod-taod na silang bulag sa lalaki ug gibilin niini ang iyang duha ka mga anak sa iyang inahan ug ang usa anaa sa lalaki.
‘‘Opo bulag mi ug naa koy proof nga nag pa sweldo na siya sa akoa human mi magbulag, tag 5k pa bulan pero murag duha ra ka bulan nako nahatagan kay sige mi og away,’’ dugang babae.
Nanghinaut si alyas Neda nga makauli karong semanaha o next week aron husayon ang problema sa pamilya.
Sa update, nagpaayo sa ospital ang iyang inahan kinsa gipusil sa iyang kanhi live-in partner samtang ang suspek nadakpan na sa otoridad.
RadyoMaN Renz Barbarona
