Report ni: Jennifer Debaja Palomo
Naga paligo sa kaugalingon nga dugo ang isa ka OFW halin sa Kuwait matapos ginbuno sang iya live in partner tungod sa duhol duhol nga estorya ukon tsismis.
Fatal nga pilas ang naangkon ni Rhea Goles sang Purok 4, South Poblacion, Negros Oriental nga nangin kabangdanan sang iya gilayon nga kamatayon.
Base sa impormasyon nga ginpalab ut sang isa ka abyan, may pag baisay nga nagpatunga sa mag live in asta nagluntad ang pag patay sa biktima gamit ang patalum. Gina alegar tsismis sang kaingud nga ginpalab ut sa live in partner sang OFW ang ginhalinan sang bais.
Nagpangayo pa kon tani sang tabang ang pamilya sa mga kaingud apang hinadlukan man ang mga ini sang nakita may ginakaptan nga hinganiban ang suspek.
Gilayon man nga nadakpan sang otoridad ang suspetsado kag nahunong na karun sa La Libertad Police Station, Negros Oriental.
photos: Jocelyn Acabodillo
