Report ni: Jennifer Palomo Debaja
Isa naman ka masubo nga balita ang pagtaliwan sang OFW sa Korea 7 ka adlaw nga nag abot sa nasambit nga pungsod agud magtrabaho.
Disyembre 21, 2018 sang gab-i sang nabungguan sang nagahagunos nga salakyan sa Korea si Rollen Jay Ylanan Librea, 23 anyos kag tumandok sang Kapatagan, Digos, Davao Del Sur.
Nag abot sa Korea ang Pinoy sang Disyembre 17, 2018 kag nabungguan ini Biyernes sang gab-i samtang pauli na kontani sa accomodation upod ang co worker nga Koreano.
Dali dali nga gindala ang biktima sa ospital apang ginbawian ini sang hulam nga kabuhi sang Domingo Disyembre 23, 2018, isa ka semana matapos nag abot sa Korea.
Kaangot sa natabo, nagapangayo sang bulig pinansyal ang kaabyanan ni Librea sa mga may bulawanon sang tagipusoon sa Korea.
Gina proseso naman ang mga papeles para sa pag repatriate sang iya bangkay .
