Report ni: Jennifer Palomo Debaja
Mayami na nga bangkay sang nasapwan nga nakabitay ang isa ka Pinoy sa sulod mismo sang accomodation sa gina obrahan sini sa Jeddah, Saudi Arabia sang Miyerkules, Marso 6, 2019.
Ginkilala ang biktima kay Roger Dayanan, sang Calatrava, Negros Oriental kag naga obra bilang water driller technician sa Saudi.
Ginaalegar naghikog ang biktima bangud nakabaton ini sang pamahog halin sa iya upod sa trabaho nga indi Pinoy.
Suno naman sa misis sini nga si Gilda Merced Dayanan, wala gid siya nagapati nga mahimo sang iya mister nga maghikog. Nakahibalo lang siya nga patay na ini paagi sa iya upod sa obra nga si Donato.
“Tinawagan ko yung mobile phone niya (Roger) alas-dose (Wednesday) dahil tuwing alas dose ay magkatawagan kami. Ring lang ng ring ang cellphone nya, hindi nya sinagot.
May number ako sa kasama niya na si Donato. Nag-text ako, sabi ko saan ba si Roger, bakit ‘di nya sinagot tawag ko? Nag-text back si Donato at sinabi niyang nagbigti daw si Roger,” pahayag ni Gilda.
Sa pahayag ni Gilda, naka videocall pa sila ni Roger sang Martes kag wala sang palatandaan nga may ginbag-o sa mga hulag sini agud himuon ang paghikog.
Sa rebelasyon ni Gilda, may nadiskubre nga anomalya o ilegal nga gina obra ang mga kaupdanan sini sa farm rason nga nakabaton ini sang mga pamahog.
Dugang pa ni Gilda, nakasugid man sa iya ang mister nga may naga sunod sa iya pirmi kag gina monitor ang iya aktibidadis. Pati mga phonecalls gina monitor man sang naga pamahog sa iya.
I-rescue pa kontani si Roger sang isa ka advocate group apang bag-o pa siya nakuha nabalitaan nalang naghikog ini.
Nagpasalig naman ang Assistance To Nationals – ATN section sang konsulado sa Jeddah nga ihatag nila ang assistance nga kinahanglan sang pamilya kon dayunon nila ang pagpa imbistiga sa kamatayon ni Roger.
Suno kay Vice Consul Lemuel Lopez, head sang Assistance to Nationals sang konsulado sa Jeddah naka coordinate na sila sa Saudi authorities kag amuman sa employer sang Pinoy.
“We are suggesting to the family to have an autopsy conducted kasi ang proseso ng awtopsiya sa Saudi ay hindi automatic most especially sa mga suspicious deaths so we have to ask the ministry of foreign affairs,” pahayag pa ni Lopez.
