Report ni: Tita Jen Palomo Debaja
Apisar daku nga kantidad ang gindaog sa raffle, padayunon sa gihapon sang isa ka pinay sa Dubai ang pag obra sa mga amo nga iya ginserbihan sang 10 na katuig.
Ini ang ginpahayag sang isa ka Filipino domestic worker sa Dubai nga nagda-og sang one million dirhams o 14.5million Pesos (US$272,294) sa raffle nga gin organized sang Al Ansari Exchange isa ka UAE-based foreign exchange kag remittance company.
Suno kay Gina Realuyo Soriano, wala gid ini nag huna huna nga siya ang madaog tungod isa lang ka entry ang iya ginpasakop.
Dugang pa ni Soriano, pila na ka tuig ini nga nagpartisipar sa mga raffle kag daku gid ang kalipay nga natsambahan ang iya entry subong nga tuig.
Nangin ikaduwa na nga Filipino si Soriano nga nagdaog sa annual raffle sang Al Ansari Exchange kag una nga babayi nga nagdaog sang grand prize. Sang nagligad nga tuig, nagdaog man si Al Dizon Banzil, isa man ka Filipino civil engineer sang pareho nga premyo.
Sang ginpamangkot si Soriano kon diin niya gamiton ang kwarta, itigana niya ini sa pag paeskwela sang iya kabataan sa kolehiyo nga subong ara palang sa highschool.
Pahayag pa ni Soriano, apisar daku ang premyo nga gindaog, padayunon niya ang pag serbisyo sa iya mga amo.
