Report ni: Tita Jen Palomo Debaja
Naga apela sang bulig ang isa ka OFW sa HK matapos nabiktima ini sang pickpocket nga gina alegar isa man ka pinay kon sa diin gintaban sang kawatan ang masobra $4,000 nga cash sini nga igaremit pa niya kuntani sa pamilya sa Pilipinas.
Suno kay Mary Jane Olivar, 45 anyos sang Happy Valley, nagluntad ang pagpangawat takna alas 7:42 sang gab-i matapos nagbakal ini sang groceries. Wala gid niya nabatyagan ang pagbukas sang iya bag kag pagkuha sang wallet sini samtang nagalakat siya sa notorious nga ” alley alley ” sa Li Yuen Street, Central sang Domingo, Nobyembre 4.
Sa nagviral nga video footage, ginkondena sang halos pareho nga mga OFWs ang ginhimo nga pag pangawat sa pinay.
“Hindi ako naka-remit, ihuhulog ko pa lang sana sa account ko (ang pera)”.
Suno kay Olivar, nadiskubre nalang sini ang pagkawat sang iya wallet matapos ang lima ka minutos kag gilayon man ini nga nag report sa estasyon sang Central Police District sa Sheung Wan.
Narekuber man ang wallet sini malapit sa basurahan apang wala na ang kwarta kag Octopus card sini.
Atlarge pa asta subong ang kawatan kag ginclassified naman ini sang HK Police nga wanted person.
Pahanumdom sa mga kauuturan nga OFWs, e sekyur gid ang inyo gamit agud indi mabiktima sang pickpocket ilabi na sa matawo nga lugar.
Sa mga may impormasyon sa identity sang suspek, ari ang contact number sang Central Police Station sa Sheung Wan: 3661-1600.
