Report ni: Tita Jen Palomo Debaja
Takna alas 6:56 kahapon sang aga sang gin pronounce nga napatay sang attending physician ang isa ka 55-anyos nga OFW sa HK matapos nainvolve sa traffic accident, alas onse sang Domingo sa Ting Kok Road, Taipo, New Territories sa Hong Kong.
Nakaangkon sang kapilasan ang biktima sa iya ulo, kamot, hawak kag tiil kag wala ini sang pangalibutan sang gindala sa ospital.
Base sa pahayag sang police, gindala pa sa Prince of Wales Hospital ang pinay apang ginbawian gid ini sang hulam nga kabuhi kahapon sang aga.
Padayon ang imbistigasyon sang Special Investigation Team sa nasambit nga insidente.
Nagapanawagan ang kapulisan sa publiko nga kon sin-o man ang nakakita sa aksidente o may impormasyon nahanungod sa natabo magtawag lang sa mga masunod nga numero 3661-3818 or 3661-3819.
