Report ni: Jennifer Palomo Debaja
Dismayado ang isa ka OFW matapos lima ka beses nga ginhimuslan sang isa ka Arabo nga representante sang recruitment agency nga nagdeploy sa iya sa Saudi Arabia.
Nadakpan ang suspek matapos nga gin report sang OFW ang iya nangin eksperyensya sa kamot sini kag sang ini ang naka angkon sang kahigayunan nga makapalagyo.
Sa panaysayon sang biktima, lima ka adlaw pa lamang siya nga naga trabaho sa iya amo sang indi na maagwantahan ang trabaho rason nagpalagyo na ini.
Dugang pa sang biktima, nakaskedyul na kuntani nga igadul-ong siya sa recruitment agency sa Riyadh para sayluhon sa iban nga employer apang siya ang gindala sa hotel sang Arabo kag didto na ginhimuslan sang lima ka beses.
Priso na ang suspek nga Arabo matapos nag isyu sang sulat si Vice Consul Lemuel Lopez angut sa insidente.
Photo : Bong Concha
