Davao City – Ensakto ang gihimo ni Pres. Rodrigo Duterte sa pag-ban una sa mga Overseas Filipino Workers (OFWs) sa nasud-Kuwait tungod sa gidangatan sa usa ka OFW nga si Joanna Demafelis.
Sumala ni Davao City 3rd District Councilor Joselle Villafuerte, kinahanglang i-ban una ang pagpadala mintras dunay himoong imbestigasyon sa kamatayon ni Demafelis nga giingong namatay sa kulata sa iyang agalon.
Matud usab ni Villafuerte, dili lang mabalaka ang ubang OFW nga wala makasinati og problema sa ilang mga amo nga naapektohan niining gipatuman nga ban tungod kay nangita usab ang gobyerno og laing nasod sa Tungang Sidlakan aron adto motrabaho.
Samtang giklaro usab ni Villafuerte kabahin sa mga gipapauli nga mga OFW gikan sa Kuwait ug adto na lamang patrabahoon sa China matud niya depende sa trabahante kung asa ang iyang gusto tungod kay siya man ang motrabaho ug dili mamahimong pugson.
RadyoMaN Bernard Pantallon
