Libuan na ang natalang patay lakip na pipila ka mga bata human nga niulbo ang dakong gyera sa Israel tali Palestinian Islamist Militant Movement Hamas sukad niadtong October 7, 2023.
Sa interview sa DXDC RMN Davao kang Myla Corullo, Pinay nga kasamtangang nagtrabaho sa Haifa, iyang gibutyag nga anaa siya sa luwas nga kahimtang apan dako na ilang kabalaka kay niatake na sad matud pa ang Lebanon tungod sa panawagan sa Hamas.
Dugang niya nga human ang usa ka holiday, dungan nangatake ang mga terorista ‘by sea’ ug ‘by land’.
Giingong aduna usab daghan mga batan-on ang nadagit samtang nag-party duol sa border, mga kabalayan nga gipangsulod ug mga batang gipang-kidnap og gidala sa Gaza.
Sa pagkakaron, kasamtangan silang gipahimangnuan nga magpundo usa sulod sa ilang panimalay aron luwas ug dili madamay.
RadyoMaN Ivy Parido
Facebook Comments
