Gikabalak-an karon sa mga Overseas Filipino Workers (OFW) nga naipit sa gyera sa Israel ug Hamas ang posibilidad nga magdugay pa ang gubat sa duha ka grupo una mahuman.
Sa pakighinabi sa DXDC RMN Davao sa usa ka OFW nga si Liza Manalo, gibutyag niya nga bisan og anaa sa luwas nga kahimtang ang Arad kung asa siya nagpuyo, wala nahupay ang iyang kabalaka tungod sa death toll nga padayong nagasaka.
Dugang pa nga kung ugaling mukatag ang gyera ug muabot sa ilang area ilabi na karon nga aduna na’y lain pang nasud ang nalambigit, ayha pa siya manghanyo og repatriation.
Samtang, gikumpirma usab ni Presidente Ferdinand Marcos Jr. nga mamahimo nang makatabok ang mga Pilipino nga anaa sa Gaza Strip kinsa naipit sa maong kasamok human nga gitugotan sa Israeli government ang Pilipinas nga makaagi sa Rafah Crossing ang mga Pinoy padulong sa Egypt.
RadyoMaN Ivy Parido
Facebook Comments
