Sa interbyu sa DXDC RMN Davao kang Ruel Roco, usaka PUJ driver, gisulti niini nga alang kanila supisyente ang pagkanaug sa presyo sa petrolyo ilabi na kung anaa na sa P50 paubos ang presyo matag litro.
Segun ni Roco, kun magpadayon ang pag-ubos sa gasolina ug diesel, daku na kining tabang para sa ilang pagpamasada apan kung sa sunod semana magpatuman na usab og oil price increase, mahimong taphaw lamang ang epekto sa rollback.
Nahinabi usab sa DXDC News Team si Justine Abelga, delivery rider kinsa nag ingon nga ang P3.00 daku na kining tabang sa mga rider ug madugang unya ngadto sa ilang kita sa pagpamasada sa adlaw-adlaw.
Malaumon usab si Allan Velez, PUJ driver nga karong bulana, nag sunod-sunod ang rollback sa fuel ug dakung tabang ngadto sa mga driver sa mga pampublikong panakayan.
“Karon kay taas pa man ang gasolina, baba gyud gamay ang kita… Manghinaut unta (ako) nga magpa dayon ang rollback sa presyo…Daku na ning tabang sa mga driver nga namasahero”, dugang ni Velez.
RadyoMaN Don Pulayao
