Natigayon na nga makontrol ang nagluntad nga oil spill sa baybayon sang Bo. Obrero, Lapuz matapos nagluntad ang paglupok sang power barge 102 sang National Power Corporation ukon NAPOCOR.
Suno kay Fire Supt. Jerry Candido, Regional Director sang Bureau of Fire Protection nga nagluntad ang paglupok sa power barge sang NAPOCOR mga alas 2:24 kahapon sang hapon nga nagtuga sang apat ka buho sa nasambit nga barge nga gintunaan sang pag-awas sang krudo.
Gilayon naman nga ginbutangan sang oil spill booms sa palibot agud indi na maglapta ang krudo kag natigayon naman nga ma-kontrol
.
Subong man, indi maagwantahan sang mga pumuluyo sa palibot ang usbong sang baho sang krudo kabangdanan pila ka pamilya ang gin-evacuate ilabi na ang mga kabataan kag mga tigulang kag ang mga may balatian nga hapo.
Temporaryo sila nga ginbutang sa Bo. Obrero Elementary School.
