Gilunsad na sa Department of Education o DepED sa Division sa Cagayan de Oro ang Oplan Kalusagan o OK sa Deped.
Ang Cagayan de Oro ang pinaka-unang naglunsad sa programa sa tibuok Region 10 nga gikalipay usab sa mga tag-as nga opisyal sa Deped.
Sa maong aktibidad, gipasabot ni Dr. Baldomero Mark Meso III usa ka Medical Officer ang mga naglangkob sa Oplan Kalusagan.
Lakip niini ang School-Based Feeding Program; National Drug Education Program; Adolescent Reproductive Health Education; Water, Sanitation, and Hygiene in Schools Program; ug medical, nursing, and dental services.
Gihimo usab sa mga opisyal sa Deped Region 10 ang inspeksyon sa tunghaan sa Bulua Central School niadtong Lunes kung asa gilunsad ang OK sa Deped.
Tumong sa programa nga atimanon ang pagkahimsog ug ka-abtik sa mga estudyante.
By: RadyoMaN Annaliza Amontos-Reyes
