Gikataw-an lang ni Kapitan Robert Olan-Olan ang planong pagpasaka ug Disqualification Case sa Comelec sa napilding incumbent Barangay Kapitan Rolando Trajera sa Barangay Bucana ning syudad sa Davao. Sumala ni Kapitan Olan-Olan nga wala siya mahadlok sa ipasakang Disqualification Case tungod kay ang ebidensya sa kampo ni Trajera nga siya nagpakaon ngadto sa mga botante pulos mga edited. Matud ni Olan-Olan nga wala siyay kapasidad nga manikas kun mangimpluwensya sa resulta sa eleksyon tungod kay sibilyan siyang mikandidato ug dili siya ang incumbent nga Barangay Kapitan nga maoy adunay gahom nga manlimbong. Nanawagan na lamang ang mananaog nga Kapitan ngadto sa iyang kaatbang nga si Trajera nga mo concede na ug dawaton ang kapildihan tungod kay ang tawo na ang naghukom ingun man magtinabangay na lamang isip mga lumulopyo sa Barangay Bucana.
RadyoMaN Erin Lumosbog
Facebook Comments
