Sigma, Capiz- Pilason ang isa ka persona matapos nga ginbuno samtang ini ang yara sa peryahan alas 10:30 sang gab-e sa Sitio Bacajan, Brgy. Mansacul, Sigma, Capiz.
Nagguha sa imbestigasyon sang mga kapulisan, upod sang biktima nga si Benjie Lapidez y Potato, 37-anyos ang pakaisa sini nga si Rommel Calmerin nga nagahampang sa peryahan.
Nagluntad ang pagsabtanay sa tunga nila sang hubog nga suspek nga si Joven Fernando y Fabular, 36-anyos ang pang-edaron. Kasunod sini, hinali nga naggabot sang kutsilyo ang suspek sa iya hawak kag ginbuno si Lapidez sa nawala nga porsiyon sang tiyan, likod kag liog.
Gilayon gindala sa Capiz Emmanuel Hospital ang biktima samtang gin-refer naman sa Roxas Memorial Provincial Hospital ang suspek makaligad nga ini man ang nag-angkon sang pilas sa iya kamot sang mag-agaway sila sang kutsilyo sang biktima.
Nagguha sa dugang nga imbestigasyon sang mga kapulisan, dugay na nga tema-tema sa tunga sang biktima kag suspek ang rason sang insidente.
Samtang wala naman marekober sang kapulisan ang kutsilyo nga gingamit sa krimen.
