Davao City – Adunay lig-on nga programa ang gobyerno aron makabangon ang nasudnong ekonomiya nga giguba sa COVID-19.
Sa pakighinabi kaniya sa DXDC morning primetime radio social commentary program ‘Straight to the Point,’ gisugilon ni Candido Aparece, Mindanao Peoples Caucus (MPC) Coordinator nga siya naglaum nga kini nga mga social reforms molampos gumikan sa agresibong baruganan sa Duterte administration batok niini nga mga dagkung hagit ug pagsulay.
Samtang wala maangayi ni Aparace ang pagpabalik sa silot-kamatayon pinaagi sa lethal injection tungod kay adunay problema ang atong criminal justice system diin posibleng ang mapahamtangan lamang niini kadtong mga pobre uyamot ra usab nga walay ikasarang gani malagmit malapas ang ilang tawhanong katungod.
Matud ni Aparece, inay ibalik ang death penalty, mas maayong i-improbar usa nato ang depektosong justice system denhe sa atong nasod.
Malaumon usab si Aparece nga makabangon ra unya ang ekonomiya sa nasod ug masulbad ang pagkuyanap sa COVID-19 bisan ug adunay mga kakulangan sa pagtubag niini inubanan sa dagkung problema sama sa terorismo ug kriminalidad.
RadyoMaN Bernard Pantallon
