Ya comete suicidio el un persona desfues sale dolorido cuando ya deja conele el su live-in partner llevando diila mga anak na Tulungatung Resettlement,Zone 5, Barangay Tulungatung en este ciudad.
El policia de Ayala ya identifica con el victima como si Marky Centeno y Soriaga, 24, un Net Mender del AMR fishing Company.
Base na imbestigasyon del policia con Centeno ya engcontra bitay na dormiente culgando con su fescuezo usando el un negro nylon cord que ya causa su muerte.
Na palabra del su mismo hermana si Manilyn Centeno, ya descuvri le ayer su hermano bitay alas saiz del aga cuando ya anda le na casa de este na Tulungatung para avisa aserca el muerte del diila tata, sin embarog ya descuvri le, bitay ya su hermano.
Asegun con el policia, antes el incidente ya chene asegun pelea el victima y el su live-in partner donde este ya decidi desaleja y ya bolbe para Vitali. Porcausa coneste, ya esta dolorido el victima y ya culga con su mismo fescuezo. – *Bhong Simbajon/RMN News*
