Despues ya sale alborotao na RMN-Zamboanga el reclamo del cuantos maga mayors del maga high school students na ciudad y na Basilan aserca con el bendida del ticket para mira el film showing tiene que hace con el Marawi Siege, el opesina del Ombudsman na Mindanao ta imbestiga ya ahora con el mecionao asunto.
El reclamo ya resivi el RMN-Zamboanga desde con cuantos mayors amo el escuela donde ta entra diila maga anac ta manda saca canila un ticket cada uno na canitidad de P100 y despues tiene asegun 30% additional na diila performace tasks y el quien gendeh saca ticket nohay este clase de omento de puntos.
Asegun con Rodolfo Elman el Deputy Ombudsman na Mindanao, tiene ya sila copya del noticia aserca con el asunto ta mira ya sila maga movimiento que ay hace alomenos saca enclaro si tiene violacion ya tene na manera de mandar mira con el maga estudiante con el salida encambio el omento puntos na destos studio.
Mas de ese, si Elman ya manda ya con el Public Assistance Bereau para actua conel mencionao asunto.
El salida tiene que hace con el guehra na Marawi ya produci el un antes official con objeto para dale mira con el maga jovenes el efecto del incidente para con el paiz.
