Davao City – Daku na ang naabot sa level sa pagpangandam ang katawhan human sa mga nasinatian nga dagkong kalamidad nga miigo sa Pilipinas.
Sumala ni Rodrigo Bustillo Operations Chief sa Davao City Disaster Risk Reduction & Management Council (CDRRMC) tungod kay ang ilang ginahimo nga pagpangandam ug pagtubag gibase sa ‘worst-case scenario’ sama sa kusog nga linog, bagyo ug pagbaha nga matang sa pagprepara.
Giingon ni Bustillo nga denhe sa Davao, aduna nay mga igong kahimanan alang niini pinaagi usab sa information technology nga aspeto ug customized way of disaster management.
Nasayud na usab ang mga tawo kung asa sila mobakwit tungod kay nagiyahan na.
Samtang gipasabot usab ni Bustillo nga duna nay giandam nga mga relocation evacuation ug rehabilitation sa mga maapektohan, apan kung unsa ang gidak-on dili pa maseguro tungod kay mag-agad usab kini sa gidak-on sa damyos unya nga matigayon hatod sa kalamidad.
RadyoMaN Bernard Pantallon
