On-line petition batok STL walay labot si Mayor RCL-CITY PIO

74

Usa ka on-line petition batok STL ang giluto karun, ug laumang ipublikar kini arun supakan ang maong sugal nga iya sa PCSO.
Sa nadawat nga report, kawani sumala pa sa city ang nanguna ug mismong nagbuhat sa usa ka chat group arun kumbinsihon ang mga netizens nga supakan ang operasyun sa small town lottery (STL)
Gumikan niini mitumaw ang pag-duda basin ug adunay kalabutan niini si Mayor Ronnie Vic Lagnada human una kining mipagawas sa iyang baruganan personal nga supak sa STL.
Kalabot niini, Giklaru ni City Information Officer Eldie David nga walay kalabutan ang city hall ug si Mayor Lagnada sa maong lakang.
Sigun ni David nga posibleng ang mga nagpakabanang netizens sa Butuan maoy naglusad sa online petition gumikan sa ilang pagsupak sa operasyon sa STL ug pag-awhag sa Sangguniang Panlungsod nga molihuk sa pagbatok sa maong sugal.
Hinoon dili layu sa posibilidad nga adunay mga empleyado sa city hall ang nagpasiugda niini apan walay nakitang sayup ang opisyal niini tungod kay lumulopyo man usab sa Butuan ang mga empleyado sa city hall kinsa adunay katungod sa pagpakabana sa mga isyu sa katilingban. (photo courtesy eldie david fb )


Facebook Comments