Sa pakighinabi sa DXDC RMN RMN Davao kang Police Major Marvin Hugos, hepe sa San Pedro Police Station, gisulti niini nga ipatuman ang ‘one entrance policy’ sa maong simbahan ug hugot nga inspeksyon sa church goers.
Dugang pa nga lakip bantayan ang St. Jude ug Assumption Church sa may dalang Torres ning dakbayan.
Subay niini, subling nagpahimangno si Hugos ngadto sa mga manimbahay nga gipatuman gihapon ang ‘no back pack policy’, gibawal ang pagdala og bladed weapon, payong, dili transparent nga sudlanan sa tubig, ug pagsuot og jacket.
Pahimangno sa opisyal sa publiko nga aron di malangay, angay sayron ang mga angay ug dili angay dalhon panahon sa mga aktibidad sa Pasko sama sa pagsugod sa Simbang gabi karong Disyembre 16, 2023.
RadyoMaN Don Pulayao
