‘One entry one exit policy’ ipatuman sa San Pedro Cathedral sa Fiesta sa Black Nazarene

Davao City – Hugot nga seguridad ang ipatuman sa San Pedro Police Station sa kapistahan sa itom nga nazareno karong adlawa Enero 9, 2024 sa syudad sa Davao.

Sa interview sa DXDC RMN Davao kang Police Major Marvin Hugos, Hepe San Pedro Police Station gibutyag niini, ipatuman ang ‘one entry one exit’ policy sa San Pedro Cathedral.

Segun ni Hugos, adunay mga pulis nga i-assign aron mo-assist sa dagan trapiko ug sa rota sa translacion.

Ang traslacion magsugod alas 3:00 sa hapon gikan sa San Pedro Cathedral paingon sa CM Recto, Roxas Avenue, liko sa Ponciano, Bonifacio, Legazpi, Magallanes padulong sa Bonifacio rotonda ug balik sa San Pedro Cathedral.

“Naa tay mga kapulisan og mobile nato pati ang traffic nato ediploy pod atleast nga maagian ang rota sa translacion is a safety ba”, sulti ni Hugos.

Gi-awhag usab sa opisyal, ang mga Dabawenyo nga motuman sa mga palisiya og mo-kooperar usab sa kapulisan.

RadyoMaN Don Pulayao