Davao City – Mitambong ang kapin dos mil ka mga drivers sa ‘one last round
seminar’ nga wala pa maka-seminar ug wala pa nakakuha sa ilang mga PUV
license IDs.
Una ng giingon ni City Transport and Traffic Management office (CTTMO)
Center Coordinator Charlotte Parba dul-an libo ka mga drivers ang
mi-request kanila ug mihangyo og konsiderasyon nga makahigayon pa sila og
salmot sa seminar nga gipahigayon sa nasangpit nga buhatan.
Gihimo ang maong aktibidad kaganinang buntag kutob hapon sa Davao
Recreational Center.
Sa maong seminar, subling gipahimangnoan ang mga drivers sa traffic rules
and regulations ilabi na sa seguridad sa ilang mga pasahero.
Paningkamutan sumala pa sa CTTMO nga ma-release sa ulahing semana sa Marso
o unang semana sa Abril ang ubang PUV IDs diin karong umaabot nga Abril 1
na ipatuman ang pagpanakop sa mga drivers nga wala nakakuha sa maong IDs.
RadyoMaN Renz Barbarona
