ILOILO City – Sa pihak sang kakulang sa parte sang lawas, indi ini upang agud makuha ni Jhon Ray Amolar ang tatlo (3) ka gold medal sa Palarong Pambansa 2018 sa Ilocos Sur.
Nakuha ni Jhon Ray ang 3 ka gold sa freestyle, breaststroke kag back stroke sa swimming.
Nahibaluan nga nautod ang tiil ni Jhon Ray bangod sa isa ka aksidente sa ginasakyan nga salakyan sang 2014.
Wala naman sang ginikanan si Jhon Ray bangod nagtaliwan ang iya iloy bangod sa sakit nga cancer kag patay naman ang iya amay.
May duha ini ka mga utod sa diin ang isa naga eskwela kag ang isa may pamiloya na.
Solo na lang nga nagapangabuhi si Jhon Ray kag sa makuha nga cash incentives sa Palarong Pambansa, plano sini nga ipakay-o ang iya balay sa Santa Rita Janiuay.
Positibo ang panan-awan ni Jhon Ray sa kabuhi rason nga bisan ano pa ang pagpanghangkat nga naga-abot, padayon ini nga nagabato kag nagapangibabaw.
