TACLOBAN CITY – Tatagan han Department of Social Welfare and Development (DSWD) Region 8 ha ilarom han Unconditional Cash Transfer (UCT) an Pantawid Pamilyang Pilipino Program (4P’S), mga social pensioners ngan vulnerable nga tawo hin 2,400 pesos.
Sumala kan DSWD Regional Director Restituto Macuto, titikangan nira an panhatag yana nga byernes.
“Ang aming babayaran starting on Friday 20-22, 39 municipalities simultaneous to be conducted by the 15 branches ng Landbank.”
“For Tacloban City, we are negotiating kung saan ang venue kasi matatanda na po ito hindi po pwedeng pumila ng matagal baka mahilo.”
Ha nakuha nga impormasyon han RMN ha City Social Welfare and Development Office (CSWDO) sabado nira ini ipapanhatag ha 4,902 nga mga social pensioners ha Tacloban.
10 million pesos an gin-alotaga nga pondo han gobyerno para ha Region 8, 4.4 million pesos para ha 4P’s beneficiaries, 3 million pesos para ha social pensioners ngan 2.6 million pesos ha vulnerable nga tawo.
Dugang han opisyal, plano matapos ini nga panhatag yana nga katapusan han adlaw han Hulyo.
“We are planning to complete the pay-out end of july sana tingnan kung makaya kasi hindi naman ganon kabilis yan kasi minsan ang ating matatanda eh mangurog-ngurog na pagpirma at may thumbmark pa.”
An mga tinaglawas mismo han Landbank of the Philippines iton mapakada ha iyo mga bungto para igpay-out an iyo one year cash grant.
Dugang han opisyal, ini nga 2,400 pesos in kadugangan nga iginhatag han gobyerno tungod han paghataas han presyo han mga parapliton nga epekto han Tax Reform For Acceleration and Inclusion (TRAIN) Law.
