Davao City – Daku na kaayo ang diperensiya ang serbisyo sa mga ahensiya sa gobyerno sama sa National Bureau of Investigation (NBI) nga kun kaniadto nga daw ba-o ang proseso apan karon paspas na gumikan sa teknolohiya.
Sumala ni NBI Bohol Director Archie Albao nga nakatabang og dako ang online application aron mapadali ang paglukat sa clearance ug mapalapdan ang serbisyo sa mga tawo.
Kamatooran niini nga sa wala pa ang teknolohiya 500 lang ka tawo ang ilang maserbisyohan apan karon nga may online application na kapin dos mil na ang maalagaran.
Mas mapadali pa ang transaction kun mag-apply daan sa online kay ang registration niana maoy i-presentar aron maka-biometrix ug dayon mapiktyuran.
Kaniadto nga sa wala pa’y online application diin gikinahanglan musayo gyod og adto sa NBI aron makakuha og priority number.
Usahay minghoy ang pagbati sa uban tungod kay wala na’y madawdaw nga priority number resulta dili maserbisyohan.
Suma ni Albao, ingon niana kahinay ang serbisyo sa NBI kaniadto dili pareho karon nga paspas na kaayo tungod sa teknolohiya.
Sa karon nga panahon, kampante ang opisyal nga dili na hinay apan paspas ang serbisyo sa NBI kay man kini ang mando ni Pangulong Rodrigo Duterte nga dili paabuton og dugay ang tawo sa trasaction.
Gisulti ni Albao nga malangay lang ang pag-released sa NBI clearance kun ma-hit ang pangalan usa ka aplikante o dili ba kaha dili kumpleto ang gikinahanglan nga mga rekisitos.
Anaa sa lima ngadto sa napulo ka adlaw mahatag ang NBI clearance sa tawo nga ma-hit apan kun walay kakulian mahuman dayon ang transaction sulod lamang sa kinse minutos.
Gipasigarbo pa ni Bohol NBI Director Atty. Archie Albao nga sa karon makasulti na kini nga paspas na gyod ang serbisyo sa ilang buhatan dili sama kaniadto nga inday-inday.
Tambag pa niini sa publiko nga una mulahos sa NBI office mas maayo mag-aplikar daan sa online kay mao kini ang labing paspas nga serbisyo.
RadyoMaN Joel Viray
